Chautschas e stgarpas nairas, ina chamischa alva, ina cravatta, in gilet ed in tschop. Uschia vesa or l'unifurma classica d'ina societad da musica. Numerusas da quellas vesan ins er durant ina festa da musica sco l'ultima districtuala a Salouf.
Vi dal stil da las unifurmas vesan ins er in u l'auter trend. Pli baud eran unifurmas plitost grevas, massivas ed en il stil classic. Ils davos decennis paran unifurmas pli levas dad esser en il trend. In simpel tschop, ina chamischa ed ina cravatta: er quai basta per vegnir vesì.
Las unifurmas chaschunan adina puspè per discussiuns entaifer las musicas – surtut sch'i va per remplazzar ellas. Dina vart vai per la cumparsa, da l'autra vart dat il pretsch da discutar. Uschia èsi er tar la festa da musica a Salouf.
-
Bild 1 von 3. Cun ina show durant la saira ha la Societad da musica Salouf Mon Stierva preschentà sia nova unifurma. Bildquelle: RTR.
-
Bild 2 von 3. L'entschatta dal concert anc cuvernada.... Bildquelle: RTR.
-
Bild 3 von 3. ... e la nova unifurma vegnida preschentada a las musicas dal district ed als visitaders e visitadras da la festa. Bildquelle: RTR.
Cun las entradas da la festa da musica sco er cun sustegn da donaturs e sponsurs finanziescha la Societad da musica Salouf Mon Stierva sias novas unifurmas. Il budget per la nova vestgadira importa var 110'000 francs.