Hemingway viva anc! A Cuira! Durant circa in'ura raquinta la legenda Ernest Hemingway – ch'è tant enconuschent per sia litteratura sco era sia vita plain d'aventuras da chatscha e guerra – tge ch'el traffitga a Cuira e co ch' el è vegnì qua. Tranter auter datti ina chatscha spectaculara – u almain plitost surprendenta – sin in urs. Ma il toc vul far dapli che bun divertiment.
Suicidi è era tema
Ernest Hemingway è però era enconuschent perquai ch'el ha mess ina fin a sia vita. Quest tema plitost spinus fa era part dal toc «Hemingway in Chur». La finamira saja, tenor l'autur Michel Decurtins betg stà da far gags cun la mort sin agen giavisch mabain da prender in pau il stigma a patratgs da suicidi. Gughegiar da tschantschar lasura possia bain gidar persunas cun patratgs en questa direcziun.
Hemingway viva pia anc a Cuira. Suicidi fiss tenor il toc stà ina fin bler memia lungurusa per l'autur, chatschader, spiun ed insumma legenda Ernest Hemingway.
- 29 da november 2023
- 31 da december 2023
- 24 da schaner 2024
mintgamai en la Bar Hemingway a l'Ochsenplatz en la citad veglia da Cuira.