Siglir tar il cuntegn

Header

Purtret da la gruppa da musica Notschtrom.
Legenda: Notschtrom: Daniela Candinas, il ghitarrist Marco Tscholl, il tastadur Flavian Gieriet, il bassist Aris Dogas ed il batterist Mario Melcher. MAD
cuntegn

10avel Top Pop Rumantsch Notschtrom cun «Proxima damonda»

10. Top Pop Rumantsch cun Notschtrom e la chanzun «Proxima damonda».

Notschtrom

Il dieschavel Top Pop Rumantsch preschenta puspè ina premiera, el dat la vusch ad ina gruppa che chanta normalmain en dialect tudestg. Ils Notschtrom da Cuira fan la «Proxima damonda». La gruppa è naschida l'onn 2005 or dals rests da la band Strike. Da la partida èn la chantanta Daniela «Candy» Candinas, il ghitarrist Marco «Jollo» Tscholl, il tastadur Flavian «Flavi» Gieriet, il bassist Aris «Dögi» Dogas ed il batterist Mario «Stick» Melcher. Il schaner 2006 han ils Notschtrom publitgà lur emprim album «Schära, Schtai, Papier», sortì sin il label da la firma K-tel. Dapli infurmaziuns sin www.notschtrom.ch.

Realisaziun

Cumposiziun: Marco Tscholl, Flavian Gieriet
Text: Daniela Candinas, Benedetto Vigne
Producziun: Manfred Zazzi, Notschtrom

Text da la chanzun: Proxima damonda

proxima damonda: tgi eis ti
e tgei la vita mintga gi?
proxima damonda: sas ti tgei
quei che fa che ti resentas tei
quei che muossa l'olma a ti?
e sche ti rispundas
la verdad ei quei che ti sentas
neu e crei a ti
tut la verdad en tei
proxima damonda: ei l'amur
caussa da mintgin e da mintgina?
proxima damonda: tgei colur
han tes siemis oz sut la glina
e pertgei ein tons buc perina?
e sche ti rispundas
la verdad ei quei che ti sentas
neu e crei a ti
spira verdad en tei

Artitgels legids il pli savens

Scrollar a sanestra Scrollar a dretga