Gino Carigiet
Gino Carigiet, annada 1993, è creschì si a Siat ed ha visità la scola secundara a Rueun. Actualmain frequenta el il gimnasi chantunal a Cuira, cun musica sco rom d’accent. Chantà ha el gia dapi l’uffanza, ed uss fa el quai surtut en sia band «Sow The Seeds», sunond dasper er anc il clavazin.
Realisaziun
Text e musica: Gino Carigiet
Producziun e programs: Manfred Zazzi
Clavazin: Tino Horat
Bass: Lucas Schwarz
Battaria: Simon Kistler
Ghitarra: Jean-Pierre von Dach
Text da la chanzun: Viva tia veta
Cu jeu arvel mes egls, lu ves’jeu in mund plein scuidonza.
Sedamondel puspei inaga: Nua schai la fidonza?
Profund en mei, vegn’jeu vietis e trests el medem mument.
Ei schai mo en tes mauns
sche lessas esser sauns,
perquei mira da tei,
sco jeu e da mei.
Viva tia veta,
lai negin influenzar.
Emprova tes giavischs, da realisar.
Igl ei mo tia veta
e negin a il dretg da cumandar,
tgei che ti has da far.
Ei vegn adina pretendiu quei ei endretg, quei ei faliu.
Dasperas ei igl agen meini il sulet che quenta.
Ti eis il sulet, che fixeschas las reglas da tiu giug.
Ei schai mo en tes mauns
sche lessas esser sauns.
perquei mira da tei,
sco quei ch’jeu mirel da mei
Viva tia veta,
lai negin influenzar.
Emprova tes giavischs, da realisar.
Igl ei mo tia veta
e negin a il dretg da cumandar,
tgei che ti has da far.
Ussa sundel prompts da suandar, ina nova via
nua che jeu dezidel mez, tgei ch’jeu vi.
Jeu mondel pass per pass e savischinel, plaunsiu a mes siemis
ed il davos stun jeu cheu, e sai mo gi :
Stai si da plaun e cala da bargir.
Viva tia veta,
lai negin influenzar.
Emprova tes giavischs, da realisar.
Igl ei mo tia veta
e negin a il dretg da cumandar,
tgei che ti, has da far.
Jeu vivel mia veta,
e lail negin influenzar,
Emprovel mes giavischs da realisar.
Gie, igl ei mia veta
e negin ha il dretg da cumandar,
tgei che jeu, vai da far.