Olivia Spinatsch
Olivia Spinatsch è naschida ils 7 da schaner 1979 e creschida si a Savognin. Musica ha ella gia adina tadlà cun immens plaschair e fatg er sezza musica gia versaquants onns en differentas gruppas. La sia passiun per la musica l'ha accumpagnà durant sia vita entira.
Realisaziun
Cumposiziun: Christian Hugelshofer, Olivia Spinatsch, Manfred Zazzi
Text: Benedetto Vigne
Musica: Manfred Zazzi
Ghitarra: Jean-Pierre Vondach
Producent: Manfred Zazzi
Dapli
Text da la chanzun: Dus pass cun me
egn dus, dus treis –
igl mies pè fo tarvatg
tgi l'è oss puspè giuador
bun de, bun de
i savoira da matg
i tunga da veir battacor
en'essa rolla cun curv'anturn me
ia saint en rappunz
ed i' sung tot cuntainta cun me
dus pass cun me
las veias tgi cantan
las plazzas tgi fon 'na rudela
dus pass cun tè
las spondas tgi soltan
e cloman: la veta è bela!
egn dus, dus treis –
igl anviern aint igl satg
gl'è premaveira trasor
bun de, bun onn
igls uschels da mies flatg
chels amureschan an chor
en velo passa, scaligna per me
ia saleid igl frisunz
ed i' sung tot cuntainta cun me
dus pass cun me
las veias tgi cantan
las plazzas tgi fon 'na rudela
dus pass cun tè
las spondas tgi soltan
e cloman: la veta è bela!
a chels tgi marmognan:
« te ist da levsenn!»
a chels tgi racloman
mies cor minorenn
raspond cun 'na ghigna
da puppa da lenn
ed igls anveid:
dus pass cun me
las veias tgi cantan
las plazzas tgi fon 'na rudela
dus pass cun tè
las spondas tgi soltan
e cloman: la veta è bela