In trend dal Giapun
Cun ils videos da Marie Kondo ha avant trais onns cumenzà in entir travasch enturn il far urden tenor la metoda da «Konmari». Tenor la dunna giapunaisa duess ins plegar uschè blera rauba sco pussibel per spargnar plaz. Ultra da quai duess ins mintgamai decider sch’ina chaussa, in vestì ans stat anc a cor u betg. Quai per suenter ans separar da quella.
Agid dal coach
Dapi in pèr onns datti er coachs da far urden. Persunas ch’han frequentà ina scolaziun e cusseglian oz la glieud co ch’ins fa urden. Nadia Potenza da Scuol lavura sco gidantra en chasadas e cusseglia professiunalmain persunas che dovran agid per far urden.
Cler ch’i va er per far urden e bittar davent rauba. Dentant è mia finamira ch’il client stat suenter bain.
Mintgin possia emprender da far urden e tegnair urden, uschè la cussegliadra da Scuol.
Far urden cun Nadia Potenza
-
Bild 1 von 5. Nadia Potenza è coach da far urden. Bildquelle: RTR, Anna Caprez.
-
Bild 2 von 5. Ella gida tranter auter da far urden cun la stgaffa da vestgadira. Bildquelle: Nadia Potenza.
-
Bild 3 von 5. Uschia èsi magari era da prender cumià da tscherta rauba. Bildquelle: Nadia Potenza.
-
Bild 4 von 5. Per che la stgaffa da vestgadira n'è betg pli uschè plaina... Bildquelle: Nadia Potenza.
-
Bild 5 von 5. ...ed ins haja suenter puspè la survista. Bildquelle: Nadia Potenza.
Emprender da pitschen ensi
Co che urden vegn recepì mintgamai è individual e different. Ils uffants han per exempel lur atgna moda ed interpretaziun da far urden. Impurtant è ch’els emprendian ch’i dovra ina structura, per avair la survista, uschè la mussadra Monica Conrad da Zernez. Ils ultims set onns ha ella instruì en la scolina a Lavin. Ils 16 uffants hajan emprendì en moda ludica da far urden.
Nus n’avevan betg uschè blera rauba per giugar ed ozendi è l’iPad il giugaret che vegn duvrà savens dals uffants a chasa.
«Quai che Gionin n'emprenda betg, n'emprenda Gion mai pli»
-
Bild 1 von 8. Bildquelle: RTR, Anna Caprez.
-
Bild 2 von 8. Fotografias gidan als uffants per tegnair la survista vid tge ch'els èn gista actualmain. Bildquelle: RTR, Anna Caprez.
-
Bild 3 von 8. Per ch'ils uffants emprendan da far urden stoì era far plaschair ad els. Bildquelle: RTR, Anna Caprez.
-
Bild 4 von 8. Metter tut a lieu suenter ch'ils uffants han giugà tutga er vitiers. Bildquelle: RTR, Anna Caprez.
-
Bild 5 von 8. Plegar pezs da stoffa per metter els puspè en il lieu ch'el tutga. Bildquelle: RTR, Anna Caprez.
-
Bild 6 von 8. Mintgin e mintgina ha rauba cun quella ch'els ed ellas giogan gugent. Bildquelle: RTR, Anna Caprez.
-
Bild 7 von 8. ... e suenter avair giugà, suonda adina er il far urden. Bildquelle: RTR, Anna Caprez.
-
Bild 8 von 8. Ils uffants san be precis nua che la rauba tutga. Bildquelle: RTR, Anna Caprez.
Durant la pandemia ha blera glieud prendì l’occasiun da far urden en chasa, da svidar stgaffas, drizzar en nov locals e dismetter blera rauba. Per part è quella dentant er rivada en ina brocki. Il travasch e trend da far urden ha er badà Monica Gutierrez El Orf da Samedan. Ella maina ensemen cun ses um la Brocki Crapenda a Samedan.
Urden dovri er per tegnair la survista. Surtut sch’ins ha bler rauba. In exempel è la butia Vulpius a Puntraschigna. En quella datti bunamain tut quai ch’ins tschertga per lavurs a maun e zambregiar.
En la butia Vulpius ha tut ses urden
-
Bild 1 von 6. Tut vegn separà tenor grondezza e colur. Bildquelle: RTR, Anna Caprez.
-
Bild 2 von 6. Betg uschè gugent vesa la possessura sch'ils clients piglian ora sez la rauba. Bildquelle: RTR, Anna Caprez.
-
Bild 3 von 6. In vast sortiment da buttuns en moda survesaivla. Bildquelle: RTR, Anna Caprez.
-
Bild 4 von 6. Er la preschentaziun dals products è impurtanta. Bildquelle: RTR, Anna Caprez.
-
Bild 5 von 6. Er la schelta da launa è vasta en la butia a Puntraschigna. Bildquelle: RTR, Anna Caprez.
-
Bild 6 von 6. Mantins e pezzas preschentads bain visibel per il clients. Bildquelle: RTR, Anna Caprez.
Angela Jann è la possessura da la butia che zoppa plirs stgazis en las numerusas curunas, stgatlas e truclets.
Nossas abitaziuns spievlan dal rest quai che nus sentin, quai che nus pensain ed essan. Far urden na svida betg be l’abitaziun, mabain er nossa psica.