-
Bild 1 von 6. Vista da Tumegl. L'areal da Sogn Murezi sa chatta amez in quartier da chasas novas. Bildquelle: MAD, Servetsch archeologic dal Grischun.
-
Bild 2 von 6. Uschia ha l'ospizi da Sogn Murezi vesì or en il settavel tschientaner. Sura la baselgia, enturn las chasas d'economia e d'abitar dals clerichers. Bildquelle: MAD, Servetsch archeologic dal Grischun.
-
Bild 3 von 6. Ina part dals mirs dad in edifizi annex. Era quai forsa la stanza nua ch'ins mangiava delicatessas? Bildquelle: MAD, Servetsch archeologic dal Grischun.
-
Bild 4 von 6. Fragment da l'altar da l'emprima baselgia. Las inscripziuns derivan da visitaders che speravan, cun sgriflar, il salit dal sontgissim. Bildquelle: MAD, Servetsch archeologic dal Grischun.
-
Bild 5 von 6. Ina lavur acribica: zavrar las provas nettegiadas da Sogn Murezi. E quai èn be intginas. Bildquelle: MAD, Servetsch archeologic dal Grischun.
-
Bild 6 von 6. L'archeologa Ursina Jecklin-Tischhauser ha intercuretg l'istorgia da Sogn Murezi a Tumegl. Oz maina ella il Museum Regiunal Surselva a Glion. Bildquelle: MAD / Franco Brunner.
Tranter 1995 e 2011 ha il Servetsch archeologic dal Grischun scuvert a Tumegl perditgas architectonicas d’ina perioda da passa 1'000 onns. Paucs cumplexs sacrals en Svizra èn perscrutads ozendi uschè bain sco Sogn Murezi a Tumegl.
Tranter mirs da quatter meters autezza, ossa d’animals e stgaglias da vaider han ils archeologs chattà ina baselgia dal settavel tschientaner ed uschia probablamain in dals centers da la cristianisaziun en il Grischun. Ils chats laschan supponer ch’ils clerichers e lur giasts n’han betg mo celebrà qua rituals liturgics, mabain er slamuzzà spisas exquisitas.
Quai èn be intginas da las conclusiuns che l’archeologa Ursina Jecklin-Tischhauser preschenta en sia dissertaziun cumparida questa primavaira. L’autura raquinta a Vita e cretta da sia lavur da detectiv, tge che buccas finas han mangià avant 1'500 onns e tge che las inscripziuns misteriusas vid l’altar da Sogn Murezi tradeschan da la vita cristiana da lezzas uras.