As regurdais da l’istorgia da «Momo» da l'autur tudestg Michael Ende? En ses roman dal 1973 ha el creà ina figura aparti. Ina matta cun in ferm sensori per creativitad ed empatia. «Momo» è l’istorgia bizara da la matta che vuleva restituir il temp a las persunas, a las qualas ils «rapinaders dal temp» avevan engulà lur temp.
Ureglia e cor avert per uffants
«Mia figlia è tgirunza. In di am ha ella ditg che en l’ospital saja tut avant maun, ma ch'il temp per il pazient saja scart, quai ha dà a mai l'impuls ed il curaschi», sa regorda Valentina Montalta.
Uschia ha ella gì il giavisch da fundar ina uniun cun la missiun primara da regalar temp ad uffants e giuvenils che dovran tgira durant lung temp en l’unica clinica per uffants e giuvenils che è integrada en l’Ospital chantunal dal Grischun a Cuira.
Vesair che noss engaschi gida ils uffants ans fa superbias
Ils davos diesch onns ha l’Uniun Momo pudì contribuir annualmain 25’000 francs. Daners che van a la staziun per uffants e giuvenils cun lung segiurn en l'ospital. Quest daners van per regalar temp, terapias, material, mobigliar, cudeschs, gieus e bler auter.
Duas pedagogas èn emploiadas dal chantun en l'Ospital chantunal a Cuira. Las uras supplementara che las duas pedagogas passentan cun uffants u giuvenils che sa chattan sur lung temp en l'ospital, vegnan pajadas da l'Uniun Momo.
Pitschnas chaussas procuran per egls glischants.
Che l’Uniun Momo po sustegnair uffants e giuvenils en la clinica d'uffants a Cuira, grazia als passa 120 commembers e commembras, a sponsurs fidaivels, ad interpraisas, mo surtut era a las consuprastantas, Anja Schmid, Nicole Arpagaus, Ladina Volken e la media Steffanie Hummel che fan lavur nunstunclentaivla durant tut l'onn cun differentas occurrenzas ed acziuns da benefizi.
Seser e tadlar, senza giugitgar
En en la clinica per uffants e giuvenils en l'Ospital Chantunal Grischun a Cuira passentan blers uffants in lung temp. La causa pon esser malsognas cumplitgadas, disturbis da nutriment e trauma.
Quests uffants stattan el focus per l'Uniun Momo. Per render lur segiun pli supportabel procura Momo cun las pli differentas acziuns, per sutegn. Saja quai cun rimnar plasters cun dessegns animads, optimar infrastructura sco la tur da leger en la stanza da segiurn, ni la acziun d'advent cun regalar balluns magics als uffants.
Senza Momo na dessi biaras chaussas betg.
Plaschair ha Valentina Montalta che l'engaschi da Momo pussibilitescha ad uffants e giuvenils la terapia da dessegn e musica. 10'000 francs van annualmain per quest servetsch.
La retscha da servetschs, acziuns e agid che Momo apporta a la clinica per uffants e giuvenils en l'Ospital Chantunal a Cuira crescha e sa midan da onn tar onn. Quai che resta dentant en il center è regalar temp en furma da preschientscha, cumpagnia, discurs u simplamain tadlar tiers.
Era tar nus datti uffants che pateschan da violenza da chasa. Igl è uras da agir e betg guardar davent
Tranter las commembras ed ils commembers da l'Uniun Momo van regularmain en l'ospital a Cuira per passentar temp cun uffants e giuvenils.
-
Bild 1 von 4. Momo procura per colur en stanzas da terapia. L'onn 2022 ha Momo gidà a finanziar la lavur da «Anouc-Foundation» per stanzas da terapial. Bildquelle: Momo.
-
Bild 2 von 4. La tur da Momo in lieu da recreauziun e ruaus. La stad 2022 ha Momo, sponsurs, scrinaris e gidonters inaugurà la tur da leger en la stanza da segiurn en la clinica d'uffants en l'Ospital Chantunal Grischun. Bildquelle: Momo.
-
Bild 3 von 4. Il diari da Momo, ina regurdientscha per uffant e geniturs. Il diari da Momo è vegnì realsiar per che uffants e geniturs possian documentar ils temps en la staziun intensiva. Bildquelle: RTR.
-
Bild 4 von 4. Zambregiar e gidar. Il temp d'advent zambregian uffants da la scola a Glion per ils uffants en l'ospital. Bildquelle: Momo.
Era Valentina Montalta va regularmain a Cuira per regalar temp. «Giuvenils ans raquintan da lur quitads, da lur frust, da lur temas e da lur mal intern. «Nus n'enconuschain betg lur istorgia e nus na giuditgain betg, nus regalain temp. Savens basti da seser dasperas e tadlar», di Valentina.
En «Vita e Cretta» ans raschuna Valentina Montalta da Glion, da l'engaschi e da la lavur da Momo, ma era da sias experientschas e davart las visiuns per l’avegnir da Momo.