Uorsin genuin

L’istorgia che raquinta dal Chalandamarz è gia dapi decennis enconuschenta tar pitschen e grond. E quai betg unicamain en Svizra. Anzi, bunamain en l'entir mund.

Trais mattets en plaina montura da chalandamarz Bild in Lightbox öffnen.

Legenda da maletgs: Nagin memia pitschen per esser in «Uorsin» Keystone

«Uorsin» cun sias chautschas memia curtas, ses chalzers da muntogna memia gronds, cun ses tingalin, ses chavels nairs sbariffads e cun sia fatscha traglischanta è enconuschent bunamain en mintga chasada en Svizra. Il cudesch è vegnì scrit da l’engiadinaisa Selina Chönz e l’artist sursilvan Alois Carigiet ha fatg las illustraziuns.

  • 1945 publicaziun sco cudesch d’uffants
  • translatà en 14 linguas
  • vendì dapli ch’in milliun giadas
  • nova versiun cinematografica l’october 2015

Uorsin raquinta dal Chalandamarz, in vegl usit celebrà mintgamai l'emprim da mars, tenor il qual ils uffants da l'Engiadina, da la Val Müstair e dal Grischun Central van anc oz cun zampugns, talacs e stgellas tras vias e giassas per stgatschar l'enviern.

Il emprim film d'Uorsin dal 1964.