La mamma da trais agens uffants e tschintg uffants ch’il um ha purtà en la letg, lavura en temp parzial sco veterinaria, passenta las vacanzas adina en Svizra, discurra cun ils uffants rumantsch e di da sasez ch’ella saja betg stada ina sontga sin il plaz da ballape – ma adina faira. Ella ha mai survegnì ina carta cotschna.
Il Rumantsch en l'Irlanda dal Nord
Ella haja l'entschatta anc empruvà da discurrer cun ils uffants tudestg, la rebelliun interna saja dentant stada talmain gronda ch'il surmiran saja ussa il linguatg per ella ed ils uffants. Ed uschia passentan els er adina las vacanzas en la patria, en Surmir.
Il ballape
Il ballape è anc adina in grond tema tar Ursina Kerlin-Capeder. Ussa gioga ella en ina squadra da plausch cun umens ed in rudè para uschia da sa serrar. A Casti ha ella cumenzà cun ils mats ed è er là stada l'unica matta. Cun il ballape haja ella scuvert il mund, haja s'avrida e la fin finala er chattà l'amur en l'Irlanda dal Nord nua ch'ella lavura en temp parzial sco veterinaria.
