La Passiun da Brockes (titel original: «Der für die Sünde der Welt gemarterte und sterbende Jesus») è il libretto dal cusseglier da la citad da Hamburg Barthold Heinrich Brockes. Ses text sa basa sin il temp da la Passiun descrit en la Bibla dals quatter evangelists, en spezial sin ils chapitels 26 e 27 da l'evangelist Matteus. Igl è in'ovra per soli, chor, orchester e basso continuo.
Suenter il chor d'avertura vegnan tractads ils suandants schabetgs: Sontga Tschaina, il viadi al culm da las ulivas, l'uraziun a Getsemane, l'arrestaziun, l'inquisiziun avant il cussegl cun il primsacerdot Caifas, la snegaziun entras Pieder, la surdada a Pilatus, la procedura avant Pilatus, la beffa, la crucificaziun e la mort da Jesus. Il chor final è in confess consolant a Cristus che ha deliberà il mund entras sia paina.
Text original (tudestg)
Ils interprets
Il concert è dals 18 d'avrigl 2019 en la baselgia du Collège Saint-Michel a Fribourg. Yves Corboz dirigia l'ensemble Capella Concertata, in ensemble cun chantaduras e chantadurs sco er instrumentalistas ed instrumentalists.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.