Siglir tar il cuntegn

Header

audio
L'um per (quasi) tut ils cas
Or da Vita e cretta dals 20.03.2022.
laschar ir. Durada: 59 minutas 25 Secundas.
cuntegn

Vita e cretta: 1 onn Bonnemain L’um per (quasi) tut ils cas

«...Ma in um che na s'expona a nagina ristga», schessan ils critichers davart l'uvestg da Cuira Joseph Maria Bonnemain. «Persuenter in um ch'è preschent per in e mintgina», respundessan ses aderents. Ina bilantscha suenter in onn uvestg Bonnemain.

Avant in onn, ils 19 da mars 2021, è Joseph Maria Bonnemain vegnì consecrà sco nov uvestg da Cuira. Suenter ch'ils canonis n'avevan betg pudì sa decider per in uvestg, aveva papa Francestg persunalmain elegì Bonnemain sco nov uvestg.

Damain conflicts, dentant dapli spetgas

Dapi lura èn ils conflicts tranter exponents progressivs e conservativs sa calmads considerablamain. Dentant avessan varsaquants cartents e varsaquantas cartentas era spetgà che l'uvestg mettess pli savens las chartas sin maisa pertutgant ils temas brisants da la baselgia catolica.

Perquai che l’uvestg di savens ni gea ni na n’èsi betg simpel da vegnir a savair tge ch’el pensa propi. El lascha savens avert tut las opziuns. Quai è sia strategia.
Autur: Paula Nay autura

In uvestg che trenescha, fa sgnoccas e che ura

L’autura Paula Nay ha gì la chaschun d’accumpagnar l’uvestg da Cuira durant plirs dis cun la camera per realisar in film dals Cuntrasts che porta il titel «Per amur da la pasch – in onn uvestg Joseph Maria Bonnemain». Ella ha uschia survegnì ina invista exclusiva en il mintgadi da Bonnemain.
Tge uvestg ch’ella ha emprendì d’enconuscher, cun tge duairs ed incumbensas ch’el passenta ses dis e sco che l’uvestg para da vegnir a frida cun il grond squitsch entaifer ed ordaifer l’uvestgieu, quai tradescha Paula Nay en Vita e cretta.

Valitaziun da l'experta

Ina valitaziun da las prestaziuns e las sfidas durant quest onn d’uffizi da l’uvestg Joseph Maria Bonnemain fa en quella emissiun er Nicole Freudiger, redactura e producenta da la redacziun da religiun dad SRF.

L'uvestg Bonnemain s'engascha fitg per glieud giuvna e per dunnas.
Legenda: L'uvestg da Cuira Joseph Maria Bonnemain s'engascha fitg per glieud giuvna e per dunnas. Che dunnas pon vegnir consecradas sco plevonessas n'è per el dentant nagin tema per il mument. MAD
audio
Discurs cun Paula Nay
ord Vita e cretta dals 20.03.2022.
laschar ir. Durada: 9 minutas 36 Secundas.
audio
Valitaziun da Nicole Freudiger
ord Vita e cretta dals 20.03.2022.
laschar ir. Durada: 3 minutas 30 Secundas.

Vita e cretta 08:00

Artitgels legids il pli savens

Scrollar a sanestra Scrollar a dretga