Durant dus dis ad emna è Andreas Rade en acziun sco cussegliader pastoral. Il glindesdi en il Sennhof e la gievgia a Realta. L’um da 44 onns ha surpiglià quella incumbensa l'onn 2016. Quai ord il motiv, ch'el leva s'engaschar sper sia funcziun sco plevon refurmà sin il champ social.
Cura che jau hai dastgà accumpagnar l'anteriur cussegliader pastoral era jau fitg impressiunads da las biografias dals praschuniers ed immediat persvas da quella furma da lavur.
Per il praschuniers è la cussegliaziun pastorala ina purschida facultativa. Ma blers dils praschuniers nizzegian ils discurs cun Andreas Rade sco ventil per pudair discurrer avert surda quai che fatschenta els.
Las tematicas tanschan davart conflicts socials cun ils cumpraschuniers, quittads pertutgant la famiglia, dumondas da culpa e las restricziuns che la vita en praschun porta cun el.