Michelangelo u da Vinci – sch’ins pensa vi da la colliaziun dad art e baselgia pens ins savens en terms e nums istorics. Durant tschientaners han las baselgias pajà per visualisar la bibla e ses motivs.
Ina visita en il Museum d’art dal Grischun mussa dentant che motivs religius èn anc adina preschents en il mintgadi da l’art. Stephan Kunz, il directur artistic dal Museum d’art, declera vi dal maletg «Fioritura» dal Grischun Giovanni Giacometti, co che motivs a prim’egliada profans reveleschan fassettas religiusas. La mamma cun uffant daventa Madonna cun Jesus sin il bratsch e la primavaira sviluppescha tratgs evangelics.
Uschia sa mussian ponderaziuns religiusas u spiritualas en diversas furmas en l’art contemporana ed er abstracta. Quai sa mussia er en las exposiziuns dal Museum d’art, raquinta Stephan Kunz sin ina gita cun la Vita e cretta.