Siglir tar il cuntegn

Header

audio
Delegads da 70 baselgias s'inscuntran a Tavau
Or da Vita e cretta dals 05.06.2022. Maletg: MAD
laschar ir. Durada: 57 minutas 32 Secundas.
cuntegn

Vita e cretta Delegads da 70 baselgias s'inscuntran a Tavau

Suenter il forum mundial d’economia s’inscuntra puspè il mund a Tavau: Durant l’emna dals 5 fin ils 12 da zercladur è la citad l’ospitanta da la sinoda da missiun internaziunala.

Ils delegads e las delegadas da las passa 70 baselgias partenarias da l’ovra missiunara evangelic-refurmada «Missiun 21» discutan, debattan e prendan decisiuns a la sinoda da missiun internaziunala a Tavau. E quai è impurtant ed indispensabel en temp actual da guerras e crisas mundialas.

Christoph Rácz è incumbensà per dumondas da medias tar l'ovra missiunara Missiun 21.
Legenda: Christoph Rácz è incumbensà per dumondas da medias tar l'ovra missiunara «Missiun 21». Mission 21, Samuel Rink
Nus vulain demussar che uschè bler stat en connex sin il mund. Per exempel pertutgant la midada dal clima: Che nus en l'Europa essan era responsabels persuenter da facilitar la vita a tals umans che vivan en regiuns pertutgadas da catastrofas da la natira.
Autur: Christoph Rácz pledader da medias da «Missiun 21»

Dapi 200 onns presta «Missiun 21» cooperaziun al svilup, agid d’urgenza e reconstrucziun en l’Africa, l’Asia, l’America Latina ed en l’Europa. Quai cun la finamira da pussibilitar ina vita en dignitad a tut ils umans.

Quai vul dir ch’ils participants e las participantas da la sinoda da missiun han bler da discutar. Ma i vegn er a dar in program accumpagnant varià per tuts e tuttas. A la sinoda da missiun vegn sautà, ins po visitar concerts ed autras preschentaziuns da cultura, sagiar spezialitads culinaricas ord cuschinas da l’entir mund, far part a discussiuns al podium, referats ed a servetschs divins.

Foto da Curdin Mark
Legenda: Curdin Mark, president da la baselgia evangelic-refurmada da Cuira e commember dal comite da patrunadi da la sinoda da missiun. Curdin Mark, MAD
Sche umans fan diever dad armas è il dialog internaziunal tant pli impurtant.
Autur: Curdin Mark copresident dal comite da patrunadi da la sinoda da missiun

Co ch’in tal format po dentant propi gidar da midar il mund e tge sfida che quai munta per la squadra d'organisaziun, da quai raquintan Curdin Mark, il copresident dal comite da patrunadi da la sinoda da missiun e Christoph Rácz da l’ovra missiunara «Missiun 21».

La sinoda internaziunala porscha in vast program cultural e discussiuns per participantas e participants.
Legenda: La sinoda internaziunala porscha in vast program cultural e discussiuns per participantas e participants. MAD, Mission 21
audio
Delegads da 70 baselgias s'inscuntran a Tavau
ord Vita e cretta dals 05.06.2022.
laschar ir. Durada: 6 minutas 52 Secundas.

Vita e cretta 08:00

Artitgels legids il pli savens