Siglir tar il cuntegn

Header

audio
«Dunnas han ina preferenza per detagls e finezzas»
Or da Vita e cretta dals 18.12.2022.
laschar ir. Durada: 11 minutas 23 Secundas.
cuntegn

Vita e cretta «Dunnas han ina preferenza per detagls e finezzas»

L'artisanadi da stallas da Nadal ha ina lunga tradiziun ed è fermamain enragischà en Svizra. Era dunnas han contribuì considerablamain a quella tradiziun. Quai cumprovan las stallas fabritgadas da mauns feminins ch'il Museum naziunal svizzer a Turitg ha exponì per il mument.

Per persunas cristifidaivlas munta l'installar ina stalla d'esser fitg datiers a l'incarnaziun da Jesus Cristus.
Autur: Andrea Franzen curatura

Savais vus, co ch'ins po far «discurrer» las figuras d'ina stalla da Nadal? U tge ch'è ina stalla da glieud povra? Savais vus era che mungias giugavan gia baud ina rolla centrala en l'artisanadi da stallas da Nadal? Quai ed anc bler dapli vegnis a savair, sche vus faschais ina visita a l'exposiziun da Nadal en il Museum naziunal svizzer. Mintg'onn sa deditgescha quel numnadamain a l'artisanadi tradiziunal da las stallas da Nadal.

Nus mussain per exempel bischus da stallas anticas zunt custaivlas, stallas d'ina artista che sa fatschenta tut onn cun quel artisanadi u era stallas da giuvnas entagliadras, ch'han creà quellas aposta per l'exposiziun.
Autur: Andrea Franzen curatura

Quest onn stattan stallas da dunnas en il center. Exponidas èn da quai da ventg stallas ord plirs tschientaners, stallas anticas, però era stallas novas ch’èn fabritgadas da duas entagliadras da lain giuvnas. D'admirar èn stallas dals pli differents stils e materials, cun diversas scenarias e figuras elavuradas en lavur da detagl manidla.

Mintga detagl constat, da costums, sur l'intschains fin tar il parsepen, tut en miniatura.
Autur: Andrea Franzen curatura

Vita e cretta visita l'exposiziun cun las stallas da Nadal, dissegnadas e fabritgadas da dunnas, e procura uschia per in pau tempra da Nadal.

Vita e cretta 08:00

Artitgels legids il pli savens

Scrollar a sanestra Scrollar a dretga