Per persunas cristifidaivlas munta l'installar ina stalla d'esser fitg datiers a l'incarnaziun da Jesus Cristus.
Savais vus, co ch'ins po far «discurrer» las figuras d'ina stalla da Nadal? U tge ch'è ina stalla da glieud povra? Savais vus era che mungias giugavan gia baud ina rolla centrala en l'artisanadi da stallas da Nadal? Quai ed anc bler dapli vegnis a savair, sche vus faschais ina visita a l'exposiziun da Nadal en il Museum naziunal svizzer. Mintg'onn sa deditgescha quel numnadamain a l'artisanadi tradiziunal da las stallas da Nadal.
Nus mussain per exempel bischus da stallas anticas zunt custaivlas, stallas d'ina artista che sa fatschenta tut onn cun quel artisanadi u era stallas da giuvnas entagliadras, ch'han creà quellas aposta per l'exposiziun.
Quest onn stattan stallas da dunnas en il center. Exponidas èn da quai da ventg stallas ord plirs tschientaners, stallas anticas, però era stallas novas ch’èn fabritgadas da duas entagliadras da lain giuvnas. D'admirar èn stallas dals pli differents stils e materials, cun diversas scenarias e figuras elavuradas en lavur da detagl manidla.
Mintga detagl constat, da costums, sur l'intschains fin tar il parsepen, tut en miniatura.
Vita e cretta visita l'exposiziun cun las stallas da Nadal, dissegnadas e fabritgadas da dunnas, e procura uschia per in pau tempra da Nadal.
Fotografias da las stallas da Nadal
-
Bild 1 von 7. Stalla da Nadal en trais scenas. «Enconuschiders da la Sontga Scrittira tar Herodes – L’anghel cumpara – Naschientscha da Jesus», Hanny Roduner, Turitg ZH, enturn 1999, fildarom, stiropor, textilias, possess privat. Bildquelle: © Museum naziunal svizzer.
-
Bild 2 von 7. Stalla da Nadal en trais scenas. «Enconuschiders da la Sontga Scrittira tar Herodes – L’anghel cumpara – Naschientscha da Jesus», Hanny Roduner, Turitg ZH, enturn 1999, fildarom, stiropor, textilias, possess privat. Bildquelle: © Museum naziunal svizzer.
-
Bild 3 von 7. Regals dals sabis. Gruppa da figuras, misericordia, Márcia Bieri, Landquart GR, 2022, lain da nuscher, entaglià, possess privat. Bildquelle: © Museum naziunal svizzer.
-
Bild 4 von 7. Stalla cun santons da la Provence. Lise Berger, Roquevaire (FR), 1990-2021, arschiglia, colurà, diversas textilias, KrippenWelt, Stein am Rhein. Bildquelle: © Museum naziunal svizzer.
-
Bild 5 von 7. Figuras da baselgia cun costums custaivels. Da la claustra S. Anna LU, 17- enfin 19-avel tschientaner tardiv, divers materials. Bildquelle: © Museum naziunal svizzer.
-
Bild 6 von 7. Sguard en l'exposiziun. In sguard en l'exposiziun da stallas cun sia scenografia invernala. Bildquelle: © Museum naziunal svizzer.
-
Bild 7 von 7. Sguard en l'exposiziun. In sguard en l'exposiziun da stallas cun la stanza da zambregiar e tadlar istorgias per uffants. Bildquelle: © Museum naziunal svizzer.