Per ils ins è el il vair pon da bara da Jesus, per las autras ina sfalsificaziun medievala ed insumma in’istorgia da sfiflas – il pon da bara da Turin. Segir è dentant, che quest pon è plirs tschientaners vegl e ch’el occupa dapi tschientaners il mund cristian. Ina copia dal pon è da vesair actualmain en la baselgia catolica a Wädenswil.
Dapi ils 15 d'avust fin ils 26 da settember mussa la baselgia in’exposiziun ambulanta dals Maltais tudestgs, che sa deditga a la dumonda: Tgi è l’um sin il pon? Ina visita a l'exposiziun mussa: Ils Maltais san en sasez la resposta. Malgra il segn da dumonda en il titel insinuescha l'exposiziun ch'i sa tracta dal vair pon da bara da Jesus. Il pon, ch'è senza dubi ina funtauna istorica extraordinaria, daventa nagut auter ch'ina cumprova da la levada.
Per la Vita e cretta è Isabelle Jaeger stada a guardar l’exposiziun ed a discurrer cun il cuniniziant dal lieu d’exposiziun Wädenswil, cun il diacon permanent Andreas Neira.
Audiogalerie
-
Bild 1 von 10. La reproducziun dal pon da Turin – . il pon mussa sin 4,36 x 1,10 meters la vart davant e quella davos dad in um. Bildquelle: RTR, Isabelle Jaeger.
-
Bild 2 von 10. «Mess il cas che...» – . l’exposiziun dals Maltais tudestgs sa dat bain differenziada, argumentescha dentant cler. Bildquelle: RTR, Isabelle Jaeger.
-
Bild 3 von 10. Las feridas da las guttas romanas – . dal maletg sin il pon possian ins eruir che l’um haja ils segns dad ina crucificaziun. Bildquelle: RTR, Isabelle Jaeger.
-
Bild 4 von 10. Ina copia dad ina lantscha romana – . er fastizs dad ella possian ins eruir sin il maletg da pon. Bildquelle: RTR, Isabelle Jaeger.
-
Bild 5 von 10. L’exposiziun mussa ina seria dad indizis – . argumentescha da fastizs da la giaischla romana fin a metodas scientificas modernas. Bildquelle: RTR, Isabelle Jaeger.
-
Bild 6 von 10. L’exposiziun è animada dad in’idea clera – . il pon da bara da Turin è il pon da bara da Jesus. Bildquelle: RTR, Isabelle Jaeger.
-
Bild 7 von 10. La trentina da persunas sin la guida è commuventada – . l’atmosfera solenna da la baselgia e l’argumentaziun da l’exposiziun han fatg impressiun. Bildquelle: RTR, Isabelle Jaeger.
-
Bild 8 von 10. Per intgins è il pon la cumprova da la levada – . Per intgins è il pon la cumprova da la levada – l’exponat plazzà il pli prominent è la reproducziun artistica dal maletg en ina statua. Bildquelle: RTR, Isabelle Jaeger.
-
Bild 9 von 10. Tgi è l’um sin il pon? L’exposiziun insinuescha ch’igl è Jesus. Bildquelle: RTR, Isabelle Jaeger.
-
Bild 10 von 10. L’exposiziun en la baselgia catolica a Wädenswil dura anc fin ils 26 da settember. Bildquelle: RTR, Isabelle Jaeger.