Per ils 21 da zercladur, il pli lung di da l'onn, sa renda Vita e cretta a Falera, pli precis: al parc la Mutta. Ils passa 30 menhirs dal temp da bronz ch'existan anc furman il pli grond parc da ses gener en Svizra. Quel aveva ina funcziun dubla: sco lieu da cults pajauns, però er sco chalender gigantic annual orientà al firmament.
Las retschas da menhirs dattan tranter auter scleriment davart il solstizi da stad, e betg mo quai: I dat er colliaziuns tranter ils cults pajauns e la cristianisaziun en Surselva. Ina visita a Falera cun l'expert Ignaz Cathomen – che ha manà durant passa 40 onns millis visitaders sin la collina.
Anfang Bildergalerie
Bildergalerie überspringen
-
Bild 1 von 3. Pliras lingias da menhirs cuvran la Mutta da Falera. Mintga retscha è orientada a moda fitg precisa vers singulas constellaziuns da sulegl, stailas, planets e glina. Bildquelle: MAD.
-
Bild 2 von 3. Ignaz Cathomen (86) è il «bab» dal parc la Mutta. Er anc suenter sias passa 1000 visitas guidadas è la fascinaziun per l'istorgia da la collina gronda. Bildquelle: RTR.
-
Bild 3 von 3. La lingia da baselgias e chapluttas a Falera, Ladir, Ruschein, Rueun e Sogn Martin (Sursaissa). En la prolungaziun vers ost cruscha questa lingia il Calanda da Favugn nua ch'il sulegl cumpara al contemplader a Falera ils 21 da zercladur. Bildquelle: MAD / Swisstopo.
Ende der Bildergalerie
Zurück zum Anfang der Bildergalerie.