Siglir tar il cuntegn

Header

audio
Las baselgias, lur immobiglias e lur dilemma
Or da Vita e cretta dals 30.10.2022.
laschar ir. Durada: 56 minutas 59 Secundas.
cuntegn

Vita e cretta Las baselgias, lur immobiglias e lur dilemma

Pon baselgias trair profit da lur immobiglias? Tenor il teolog refurmà Ansgar Gmür ston ellas perfin far quai. Uschiglio manchian bainprest ils daners per pudair porscher lur servetschs a la societad.

El ha procurà per lingias grossas l’emna passada en Svizra: «Kirchen verlieren Geld mit Immobilien», ha per exempel la gasetta «Blick» cità Ansgar Gmür. Gmür è stà il directur da l’Associaziun svizra dals proprietaris da chasas ed ha studegià teologia suenter sia pensiun. Cun sia lavur da master a la Facultad teologica da l’Universitad da Turitg ha Ansgar Gmür pudì sa deditgar a sias duas passiuns: las immobiglias e la religiun.

Da las 100 plaivs che jau hai interrogà per mia lavur han 42 inditgà ch’ellas na s’occupian insumma betg cun l’administraziun da lur immobiglias.
Autur: Ansgar Gmür teolog refurmà

El ha fatg ina gronda retschertga ed è vegnì a la conclusiun, che la plipart da las plaivs catolicas e refurmadas en Svizra n’administreschan quasi betg lur edifizis sacrals e betg sacrals. Uschia giajan a perder milliardas da francs. «Malgrà che las baselgias sesan sin in stgazi d'aur, na fan ellas strusch raps cun quel. Anzi èn las immobiglias ina chargia finanziala per las baselgias. Jau na chapesch betg, pertge ch’ins na pensa betg pli economicamain en temps, ch’ils daners vegnan a mancar. Sche las baselgias n’han nagins daners pli na san ellas er betg pli ademplir lur duair social», constatescha Gmür. E gist tals daners duvrassan las baselgias en temps da la digren cuntinuada da commembers e commembras urgentamain, manegia Ansgar Gmür.

Jau na chapesch betg, pertge ch’ins na pensa betg pli economicamain.
Autur: Ansgar Gmür teolog refurmà

Sco teolog chapeschia el natiralmain che edifizis sacrals hajan impurtantas funcziuns per l’entira societad cun esser monuments culturals. El haja qua dentant la tenuta ch’ins stoppia ubain reutilisar uschiglio tut tenor era strair giu tscherts edifizis.

En il Grischun resta la baselgia quasi anc en il vitg. Qua è la situaziun ina speziala.
Autur: Ansgar Gmür teolog refurmà

Sco che Ansgar Gmür reagescha sin la decleraziun da las baselgias; ch’ellas na sajan naginas firmas d’immobiglias, sco che quel dilemma da las baselgias sa preschenta en il Grischun e tge schliaziuns pussaivlas ch’el vesa, raquinta Ansgar Gmür en «Vita e cretta».

audio
Las baselgias, lur immobiglias e lur dilemma
ord Vita e cretta dals 30.10.2022.
laschar ir. Durada: 9 minutas 58 Secundas.

Vita e cretta 08:00

Artitgels legids il pli savens

Scrollar a sanestra Scrollar a dretga