Uschia sco la mort era preschenta en il mintgadi dals umans d’antruras, aveva ella er inspirà numerus artists e numerusas artistas per lur ovras d’art. In exempel spectacular persuenter è in’ovra d’art, creada l’onn 1543 en noss conturn: ils maletgs da la mort da Cuira.
Quels maletgs derivan d'in temp, cura ch'i deva in grond problem cun la pestilenza.
-
Bild 1 von 8. Ils maletgs vegnan fatgs pronts per l'exposiziun. Bildquelle: RTR.
-
Bild 2 von 8. Il plazzal cun ils maletgs da la mort. Bildquelle: RTR.
-
Bild 3 von 8. Il plazzal cun ils maletgs da la mort. Bildquelle: RTR.
-
Bild 4 von 8. Ina scena sin in dals maletgs. Bildquelle: RTR.
-
Bild 5 von 8. Leza Dosch davant ils maletgs da la mort. Bildquelle: RTR.
-
Bild 6 von 8. Il canoni cun il skelet sin in dals maletgs. Bildquelle: RTR.
-
Bild 7 von 8. La medaglia cun l'uvestg Luzius Iter en congual cun il canoni sin il dissegn da Hans Holbein. Bildquelle: RTR.
-
Bild 8 von 8. Il canoni dal pictur da Cuira correspunda a l'uvestg Luzius Iter. Bildquelle: RTR.
Ils maletgs da Cuira stattan en la tradiziun da l'art dals sauts dals morts, che deriva dal temp medieval. Els mussan la mort en furma d’in skelet, che stira las pli differentas persunas ord la vita – ritg e pauper, giuven e vegl, papa e pur. Il pictur dals maletgs da Cuira n’è betg enconuschent – mo, che quel ha picturà suenter graficas da l’artist renumà Hans Holbein.
Quai sto esser stà in impurtant pictur local, che saveva insatge.
Ensemen cun var 70 objects prezius sco ina trucletta romana or dal 4. tschientaner, ina monstranza dal temp gotic u er ina plauna ord taila pseudo-araba furman ils maletgs da la mort in dals pli custaivels stgazis episcopals dal nord da las alps. El è actualmain exponì en il nov museum da la catedrala a Cuira.
Pled sin via: