Dapi 33 onns perscrutescha e promova Swisspeace la pasch. Jakob Kellenberger è il president. Blers onns aveva Kellenberger differents posts en l'entira Europa sco diplomat. Dal 2000 fin 2012 è el stà president dal Comité internaziunal da la Crusch Cotschna KRK.
I renda dad exercitar pasch.
Co exercitar pasch? Co far quai? In aspect impurtant è da discurrer in cun l’auter.
Emprender da chapir l'auter è impurtant.
En la guerra haja el vis, quants che na s’interesseschian betg per il punct da vista da tschel. I na veglia betg dir ch’ins stoppia esser d’accord cun tschel. Ma i veglia dir ch’ins prendia serius il punct da vista ed ils quitads da tschel, di Kellenberger en vita e cretta.
In exempel fa Kellenberger en connex cun in inscunter cun ils Talibans ch’el ha inscuntrà sco president dal IKRK:
Jau hai ditg als Talibans cura ch’els han lamentà davart violaziuns tras la NATO e la USA – er vus stuais respectar il dretg internaziunal.
Il 2020 hai dà 104 conflicts armads cun 63 stadis involvids e 103 partidas betg statalas. In butschin senza funs. La fom da pussanza è savens in motiv per guerra civila.
In mund senza guerras na vesa il realist Jakob Kellenberger betg. L’istorgia sur millis onns mussia che quai è in ideal che la carstgaunadad n’ha betg cuntanschì fin uss. Ma ina istorgia da success datti. L’Europa.
La decisiun da stadis ch’avevan guerra da metter ensemen la producziun da cotgla ed atschal – quai è ina decisiun enorm impurtanta.