Siglir tar il cuntegn

Header

audio
Territori alpin mitic – da dialas, draguns e diavels
Or da Vita e cretta dals 15.05.2022.
abspielen. Laufzeit 58 minutas 58 Sekunden.
cuntegn

Vita e cretta Territori alpin mitic – da dialas, draguns e diavels

Ellas chaschunan pel-giaglina e fascineschan il medem mument. Ditgas sco quellas da la Punt dal Diavel, dal «Sennentuntschi» ubain da la Giunfra da Morteratsch. En il territori alpin svizzer datti in stgazi zunt ritg da ditgas enconuschentas.

Ina ditga è in raquint che cuntegna bain chaussas vairas, dentant er parts inventadas che fan savens in zic tema. En ils raquints vai savens per spierts, strias, draguns u diavels, però era per figuras istoricas. Bleras ditgas sa refereschan sin lieus existents e per part era sin eveniments capitads. Cuntrari a quai èn paraulas cumplainamain inventadas.

Ditgas èn savens explicaziuns per chaussas inexplitgablas.
Autur: Pia Schubiger curatura da l'exposiziun «Territori alpin mitic»
audio
Part 1 – Ditgas
aus Vita e cretta vom 15.05.2022.
abspielen. Laufzeit 9 minutas 50 Sekunden.

En Svizra, cunzunt en il territori alpin, èn ditgas vegnidas dadas vinavant dapi tschientaners. Bleras èn vegnidas messas en scrit en il 16avel tschientaner. I dat era numerusas ditgas rumantschas, pliras tschient èn da chattar en la crestomazia. Talas ditgas stattan en il center da l'exposiziun «Territori alpin mitic» ch'il Forum per istorgia svizra a Sviz mussa da l'avrigl enfin l'october.

Las ditgas èn in bain cultural che ‹viandescha›. Cunquai che ditgas vegnivan raquintadas, vegnivan ellas avant en plirs lieus, simplamain mintgamai en in auter mantelet. Ditgas, quai è insatge che viva.
Autur: Pia Schubiger curatura da l'exposiziun «Territori alpin mitic»

Vita e cretta ha fatg ina visita a l'exposiziun cun la curatura Pia Schubiger e va a la tschertga da l'origin e da la derasaziun da las ditgas or dal territori alpin. Er uschia stattan en il center la funcziun e l'effect da las ditgas.

audio
Part 2 – L'exposiziun
aus Vita e cretta vom 15.05.2022.
abspielen. Laufzeit 6 minutas 35 Sekunden.
Per uffants e giuvenils pudessan ditgas esser in chaussa utila per emprender a distinguer vardad e nunvardad en temps da fake news.
Autur: Pia Schubiger curatura da l'exposiziun «Territori alpin mitic»

RTR Vita e cretta 08:00

Artitgels legids il pli savens

Scrollar a sanestra Scrollar a dretga