Igl è la cuminanza mundiala che porta, la cuminanza cun ina lunga istorgia, cun tut il positiv e negativ. «E sch’jau guard enavant, èsi la speranza dad in di – suenter la mort – vegnir en tschiel ensemen cun tut quels ch’èn ids ordavant.» La baselgia sco instituziun è per Anton Capaul la via a tut quai. E per el è quai in’unitad, la cardientscha e la baselgia.
Rituals contribueschan bler a la ventira.
La ventira senta Anton Capaul en il cor e ch’el vegn pli ruassaivel. «Ins vegn sco en in’unitad cun in’autra dimensiun.» Per el è la cuntentientscha sco il cumenzament d’insatge. La cuntentientscha maina lura a la ventira.
La pli gronda part marida cun charezza.
Anton Capaul lavura sin l’uffizi civil a Cuira. Durant l’act da maridar è la ventira er in tema en il pled als spus. «La lètg è la ventira la pli auta da la vita», di el.
Muments da ventira èn rars. Quels pon dar in stausch, ma n’èn betg durabels. Pli durabel èn muments sco la cardientscha ch’è bajegiada sin il durabel.