I sa dat savens l’impressiun che politichers na din betg la vardad.
Manipulaziuns da votantas e votants vesa Carmelia Maissen plitost en la politica da partida en in parlament, nua ch’ins cumbatta per in’idea, ina posiziun. En la politica communala stoppian ins il dretg mument infurmar endretg e transparent.
Vardad è per Carmelia Maissen ina profunda valur. Ma en l’agir dal mintgadi saja credibilitad insatge che la politicra sappia ir enturn meglier.
Politica duess esser uschia ch’ella sa basa sin il principi da gistadad.
Sche politica è a la fin adina gista, è probablamain er ina dumonda da la posiziun politica, manegia Carmelia Maissen.