Siglir tar il cuntegn

Header

audio
La sinoda da missiun – ina fanestra or en il mund
Or da Vita e cretta dals 13.06.2021.
laschar ir. Durada: 01:00:55 minutas.
cuntegn

Collavuraziun sur cunfins La sinoda da missiun – ina fanestra or en il mund

Ellas ed els vegnan da tut il mund, ma ina giada ad onn sa chattan las commembras ed ils commembers da la Missiun 21 a lur Sinoda da missiun. Quest onn sa vulevan els s'inscuntrar en Svizra, pli precis a Tavau. Dentant er qua ha la pandemia da Corona fatg in stritg tras il quint.

L’organisatura per quest onn, la Baselgia evangelica refurmada dal Grischun, n’ha betg dà luc ed ha surpiglià dad organisar la Sinoda da missiun il 2022 a Tavau. Las commembras ed ils commembers da la Missiun 21 sa chattan questa fin d’emna tuttina – els han spustà lur inscunter en la rait.

Delegiadas e delegiads da tut il mund sa scuntran.
Legenda: Inscunters internaziunals persunals sco da pli baud - quai duai puspè pussibiltar la Sinoda da missiun 2022 a Tavau. mad

Tranter dunnas ed umens dal Chile e la Bolivia, da la Nigeria ed il Sudan dal Sid, da la Germania e la Corea dal Sid è er la Grischuna Barbara Hirsbrunner. Ella è cussegliera da la Baselgia evangelica refurmada dal Grischun e fa part a la partiziun europeica da l'ovra d'agid Missiun 21.

Cun ella ha «Vita e cretta» discurrì davart la Sinoda da missiun e tge ch'il Grischun sa contribuir. Las sumbrivas dal passà, ch’èn colliadas cun il tema «missiun», èn dentant er tema.

RTR Vita e cretta 08:00

Artitgels legids il pli savens

Scrollar a sanestra Scrollar a dretga