Quest citat stat en stretga relaziun cun l’aurachirurgia. Ma tge è aurachirurgia? E co po quella metoda gidar en grevas situaziuns? Sco l’aurachirurgia ha gidà da midar cumplettamain sia atgna vita, raquinta Mirella Capin en Vita e cretta.
Far las dretgas dumondas en la vita avra in nov mund da pussaivladads.
audio
Mirella Capin: L'univers è sco in apparat da fotocopiar – part 1
ord Vita e cretta dals 25.07.2021.
Maletg: MAD
laschar ir. Durada: 9 minutas 11 Secundas.audio
Mirella Capin: L'univers è sco in apparat da fotocopiar – part 2
ord Vita e cretta dals 25.07.2021.
laschar ir. Durada: 6 minutas 47 Secundas.Durant la stad maina Vita e cretta discurs cun protagonistas e protagonists da la Rumantschia davart lur cardientscha e lur valurs e fa dumondas filosoficas. Tge ch’exista sin il mund ch’ils carstgauns na vesan betg, e co ins po tuttina badar l’invisibel, er davart quai discurrin nus cun Mirella Capin. Gist sco quai che nus confruntain ella cun in tema, ch'è plitost ester per ella: l'art. Tge è art tenor ella? E tgi decida atgnamain, tge ch’è art e tge betg?
Mes uffants fan er art.
Legenda:
Mirella Capin lavura sco chinesiologa cun atgna pratica, ed avant pauc temp ha ella era scuvert l'aurachirurgia per ella sezza e ses pazients e sias pazientas.
MAD