Siglir tar il cuntegn

Header

audio
Georg Schmid – Commembers dal Opus Dei èn nagins agents secrets
Or da Vita e cretta dals 14.03.2021.
laschar ir. Durada: 58:40 minutas.
cuntegn

Opus Dei: Organisaziun secreta Georg Schmid – Commembers dal Opus Dei èn nagins agents secrets

L'Opus Dei po vegnir numnà en Svizra «Organisaziun secreta». Il motiv è ch'el na dat betg enconuschent tgi ch’è commember. Ma en cumparegliaziun cun autras organisaziuns secretas saja l’Opus Dei in’organisaziun nunprivlusa. Quai di l’expert da religiun, Georg Schmid dal post d’infurmaziun evangelic.

L’organisaziun vul esser qua per persunas per las qualas la vita catolica normala na tanscha betg. Per persunas che vulan viver la cardientscha a moda pli intensiva.

L’organisaziun ha cunquai ina rolla d’elita.
Autur: Georg SchmidExpert da religiun

Georg Schmid cumpareglia l’Opus Dei cun in urden claustral. L’idea era dad esser ina cuminanza che pussibilitescha ina vita sumeglianta sco en in urden, ma senza esser in urden, senza vestgì spezial, senza s’isolar dal mund. Ma tuttina viver ina vita spirituala.

L’Opus Dei sa vesa sco organisaziun da furmaziun.
Autur: Georg SchmidDal post di'nfurmaziun evangelic

Ma tuttina datti reglas, cunzunt per ils numerariers, quels commembers che n’èn betg maridads e che vivan en centers. Ina regla è da desister sin insatge durant las tschaveras per betg maldisar il corp. In’autra regla è da liar ina tschinta cun spinas enturn la coissa. Las bleras organisaziun catolicas n’han betg talas reglas. Lezzas manegian, ch’i dettia gia avunda dolur sin quest mund senza far mal a sasez.

L’influenza dal Opus Dei sin la baselgia catolica en Svizra è pitschna.
Autur: Georg Schmid
audio
Pled sin via da Silvia Gartmann
02:56 min, Vita e cretta dals 14.03.2021.
laschar ir. Durada: 02:56 minutas.

RTR Vita e cretta 08:00

Artitgels legids il pli savens

Scrollar a sanestra Scrollar a dretga