Siglir tar il cuntegn

Header

audio
Vita e cretta dals 28.03.2021 – entira emissiun
Or da Vita e cretta dals 28.03.2021.
laschar ir. Durada: 01:01:17 minutas.
cuntegn

Priska Spörri «Igl è stà per tuts ina situaziun extraordinaria»

Grazia a la gronda solidaritad ha la Chadaina da Fortuna pudì sustegnair 1,7 milliuns persunas en Svizra.

40 dals total 43,5 milliuns francs donaziuns che la Chadaina da Fortuna ha rimnà il mars ed avrigl da l’onn passà tar l’acziun «Coronavirus Svizra» èn duvrads. Questas cifras èn mussaments da la solidaritad impressiunanta da la populaziun Svizra. Bleras famiglias e persunas singulas han pudì vegnir sustegnidas.

Ins ha gea er stuì dar adatg cun gidar, tuts han stuì sa proteger, tuts èn stads pertutgads.
Autur: Priska SpörriCommembra da la direcziun da la Chadaina da Fortuna

La campagna da collecta «Coronavirus Svizra» è probablamain ina da las pli intensivas da l’istorgia da la Chadaina da Fortuna. Igl è la pli lunga ed ha cuzzà il mars ed avrigl da l’onn passà, di Priska Spörri da la Chadaina da Fortuna en l'emissiun «vita e cretta».

73 da 200 projects che nus avain sustegnì van per part fin il 2023. Gist l’agid per giuvenils e persunas senza suttetg duai esser persistent.
Autur: Priska SpörriPledadra da medias da la Chadaina da Fortuna

Be quatter dis suenter ch’il conto da donaziuns è vegnì averts ha l’emprima summa pudì vegnir pajada ora per in project d’agid da la Caritas Svizra – uschè spert sco anc mai.

L’agid da la Chadaina da Fortuna è adina per cumplettar l’agid dal stadi.
Autur: Priska Spörri

Cun l’agid direct ed agid social ha la Chadaina da Fortuna cuntanschì questas persunas ch’èn vegnidas en pitgiras pervia da l’emprim lockdown ed ulteriuras mesiras da protecziun da la Confederaziun e dals chantuns.

RTR 08:00 vita e cretta

Artitgels legids il pli savens

Scrollar a sanestra Scrollar a dretga