I dat probablamain nagin'autra ovra d'in contemporan, cun il qual Johann Sebastian Bach è sa fatschentà uschè intensivamain sco cun la «Passio secundum Marcum», attribuida ditg al cumponist dal baroc tudestg Reinhard Keiser.
Trais giadas ha Johann Sebastian Bach dirigì quest'ovra, ch'è segir e franc stada in model ed exempel per sias atgnas passiuns. Era sche las grondas passiuns da Bach èn armonicamain e melodicamain in toc pli cumplexas, ha la passiun tenor son Marcus in scharm tut spezial.
L'ura speziala da «Vita e Cretta» per venderdi sontg è deditgada a questa passiun, ch'è probablamain vegnida cumponida enturn l'onn 1705 da Friedrich Nicolaus Bruhns, cantor en il dom da Hamburg.
