Siglir tar il cuntegn

Header

audio
Andreas Rade - Quel che taidla tiers als praschuniers
Or da Vita e cretta dals 22.09.2019.
abspielen. Laufzeit 53:55 Minuten.
cuntegn

Vita e cretta Andreas Rade – quel che taidla tiers als praschuniers

Il plevon refurmà Andreas Rade porscha ensemen cun sora Veronika Ebnöther la cussegliaziun pastorala en las praschuns dal Grischun. Là discurran els cun assassins, laders e cugliunaders ed accumpognan els durant lur temp en praschun.

Durant dus dis ad emna è Andreas Rade en acziun sco cussegliader pastoral. Il glindesdi en il Sennhof e la gievgia a Realta. L’um da 44 onns ha surpiglià quella incumbensa l'onn 2016. Quai ord il motiv, ch'el leva s'engaschar sper sia funcziun sco plevon refurmà sin il champ social.

Cura che jau hai dastgà accumpagnar l'anteriur cussegliader pastoral era jau fitg impressiunads da las biografias dals praschuniers ed immediat persvas da quella furma da lavur.
Autur: Andreas RadeCusseglier pastoral

Andreas Rade

Personen-Box aufklappenPersonen-Box zuklappen
  • Naschì (*1975) e creschì si a Cuira
  • Suenter la matura lavurà sco tgirunz d'assistenza en l'ospital regiunal a Samedan
  • Studis da teologia a Basilea e Turitg
  • Vicariat en il chantun Berna a Madiswil
  • 2004 - 2014 plevon refurmà a Saas
  • 2014 - oz plevon refurmà a Cuira
  • dapi 2016 cussegliader pastoral en las praschuns Seenhof e Realta

Per il praschuniers è la cussegliaziun pastorala ina purschida facultativa. Ma blers dils praschuniers nizzegian ils discurs cun Andreas Rade sco ventil per pudair discurrer avert surda quai che fatschenta els.

Las tematicas tanschan davart conflicts socials cun ils cumpraschuniers, quittads pertutgant la famiglia, dumondas da culpa e las restricziuns che la vita en praschun porta cun el.