Siglir tar il cuntegn

Header

audio
Daniel Monn: «Quai fiss ina vargugna ed er in privel»
Or da Vita e cretta dals 06.12.2020.
laschar ir. Durada: 01:00:13 minutas.
cuntegn

Vita e cretta Daniel Monn: «Quai fiss ina vargugna ed era in privel»

Svanescha l’instrucziun da religiun adina dapli ord scola? En bleras scolas svizras emprendan uffants e giuvenils ozendi mo pli pauc davart religiun e cretta. Represchentants da las baselgias ed expertas d’educaziun averteschan da las consequenzas.

Suenter plirs onns d’instrucziun tenor il plan d’instrucziun 21 è la situaziun difficila per roms sco religiun u etica en bleras scolas popularas en Svizra.

En vista al pluralissem da religiuns n’ha la catechesa betg pli la medema muntada sco pli baud
Autur: Daniel Monnteolog e scolast spezialisà da religiun

Dentant dettia senza dubi pliras raschuns persuenter, che l'impurtanza da la catechesa sa sminueschia, analisescha Daniel Monn, teolog e scolast spezialisà da religiun, che viva e lavura en il chantun Turitg.

Cundiziuns disfavuraivlas

Tenor ils experts e las expertas vegn l'instrucziun religiusa smatgada a l’ur dad uraris fullanads, indeblida da pauc interess e dal pluralissem da religiuns ubain era stgatschada d'autras lecziuns sco sport ni musica. Blers scolars e bleras scolaras sa laschan dispensar per l'ura religiusa.

En connex cun la catechesa fissi cunvegnent, sche la baselgia fiss main dogmatica, sch’ella laschass dapli libertads a ses cartents.
Autur: Daniel Monnteolog e scolast spezialisà da religiun

Situaziun en il Grischun

Tge muntada han l'instrucziun religiusa e la catechesa propi anc ozendi? Tge fiss da prender a mauns per evitar quest svilup? E sco è la situaziun en las scolas dal Grischun?

En il Grischun vesi ora meglier per l’instrucziun da religiun e la catechesa ch'en auters chantuns
Autur: Vitus Dermontresponsabel per l’instrucziun religiusa da la baselgia catolica dal Grischun
La muntada da l’instrucziun da religiun n'è oz betg pli la medema sco pli baud
Legenda: La muntada da l’instrucziun da religiun n'è oz betg pli la medema sco pli baud © José Luis Rodríguez Martínez / Unsplash.com

Vita e cretta 08:00

Artitgels legids il pli savens

Scrollar a sanestra Scrollar a dretga