Siglir tar il cuntegn

Header

cuntegn

Vita e cretta Nova vita per la mort da Cuira

Suenter ch’els eran dustads onns a la lunga davos ils mirs da deposits, ins po ussa puspè contemplar ils maletgs da la mort da Cuira.

audio
Nova vita per la mort da Cuira
ord Vita e cretta dals 06.09.2020. Maletg: RTR
laschar ir. Durada: 1 minuta 2 Secundas.

Uschia sco la mort era preschenta en il mintgadi dals umans d’antruras, aveva ella er inspirà numerus artists e numerusas artistas per lur ovras d’art. In exempel spectacular persuenter è in’ovra d’art, creada l’onn 1543 en noss conturn: ils maletgs da la mort da Cuira.

Quels maletgs derivan d'in temp, cura ch'i deva in grond problem cun la pestilenza.
Autur: Leza Dosch istoricher d'art

Ils maletgs da Cuira stattan en la tradiziun da l'art dals sauts dals morts, che deriva dal temp medieval. Els mussan la mort en furma d’in skelet, che stira las pli differentas persunas ord la vita – ritg e pauper, giuven e vegl, papa e pur. Il pictur dals maletgs da Cuira n’è betg enconuschent – mo, che quel ha picturà suenter graficas da l’artist renumà Hans Holbein.

Quai sto esser stà in impurtant pictur local, che saveva insatge.
Autur: Leza Dosch istoricher d'art

Ensemen cun var 70 objects prezius sco ina trucletta romana or dal 4. tschientaner, ina monstranza dal temp gotic u er ina plauna ord taila pseudo-araba furman ils maletgs da la mort in dals pli custaivels stgazis episcopals dal nord da las alps. El è actualmain exponì en il nov museum da la catedrala a Cuira.

Pled sin via:

audio
Pled sin via dad Arno Arquint
ord Vita e cretta dals 06.09.2020.
laschar ir. Durada: 5 minutas 14 Secundas.

RTR Vita e cretta 08:00

Artitgels legids il pli savens