Siglir tar il cuntegn

Header

audio
«Religiun è cool»
Or da Vita e cretta dals 17.01.2021.
laschar ir. Durada: 59:58 minutas.
cuntegn

Vita e cretta «Religiun è cool»

Uraris fullanads, pluralissem da religiuns ubain simplamain pauc interess: L'instrucziun da religiun è en las stretgas, e quai en plirs chantuns svizzers. Per ans far in maletg da la situaziun en il Grischun, avain nus visità la segunda classa primara da Mustér.

Las lingias grossas da differentas gasettas svizras dals davos mais ed onns che tematiseschan l’instrucziun da religiun sa sumeglian: «Religion muss der Schule in Emmen fernbleiben» ha scrit la Luzerner Zeitung. «Sparprogramm mit Folgen: Religion fliegt aus dem Unterricht» èsi stà da leger en Argovia e quasi medem er en Schaffusa ed en il chantun Son Gagl. E Pilatustoday sa dumonda «Braucht es heute noch Religionsunterricht?».

Considerond che la religiun n’è betg pli centrala en il mintgadi dals uffants èsi da declerar dapli e da far punts en l’instrucziun da religiun
Autur: Corina Defunsscolasta da religiun

En plirs chantuns è l’instrucziun da religiun en ina situaziun difficila. Il pluralissem da religiuns, la mancanza d’interess e la promoziun d’auters roms èn motivs principals.

Jau chat religiun cool e jau emprend ina massa en las lecziuns, tar nus a chasa n'è quai dentant nagin tema
Autur: Scolara da la 2. classa

Quant spazi ha la religiun anc en las scolas popularas dal Grischun? Tge relaziun han noss scolars e nossas scolaras anc tar Dieu e la bibla? E tge experientschas fan els ed ellas cun l’instrucziun dal rom etica?
Per chattar ora quai avain nus visità la segunda classa primara da Mustér e sia scolasta da religiun ed etica Corina Defuns.

Igl è in bel pensum da mussar als uffants che la vita è dapli che mo quai ch’ins vesa e sa emprender
Autur: Corina Defunsscolasta da religiun
La scolasta da religiun ed etica Corina Defuns
Legenda: La scolasta da religiun ed etica Corina Defuns MAD

Vita e cretta, dumengia a las 08:00 ed a las 20:00

Artitgels legids il pli savens

Scrollar a sanestra Scrollar a dretga