Animals giogan er in cun l’auter. Nus carstgauns n'essan betg tant different dals animals sco nus manegiain. I dettia in'avischinaziun dad animal e possessura, di Vitus Gartmann.
Il chaun fa savens stuccas cun ins.
Magari saja fitg delizius da guardar l’interacziun tranter chaun e giat. I dat da quels che cutizzeschan in l’auter, di Vitus Gartmann. Grev saja da dir quant fitg che nus carstgauns interpretain umor en noss animals.
Chauns e chavals, quels han il pli stretg contact cun nus carstgauns. Qua datti relaziuns las pli stretgas tranter animal e carstgaun. Sco animal da famiglia è dentant il chaun quel che accumpogna nus il pli fitg.
In chaun po esser il meglier ami dal carstgaun.