Tge è per tai bun sex? Ed has ti en il mintgadi er quai sex che ti giavischas propi? Ubain has magari schizunt tema, che ti na sajas betg «normal» perquai che ti has forsa magari fantasias selvadias? U ans laschain nus influenzar damemia d'ideas co sex stuvess esser che Hollywood, la baselgia ubain reclamas mussan a nus. En l'emissiun «zona cotschna» tschantscha la reportra Sabrina Bundi cun differentas persunas curaschusas avertamain sur da sex e co quel è propi en il mintgadi.
Ed era la «sexperta» Caroline Fux, che ha 10 onns ditg cusseglià il public dal «Blick» cun sia columna «Fux über Sex» raquinta dad in u l’auter exempel or dal mintgadi che gida da vesair: Cun nossas dumondas e noss quitads puncto sex n'essan nus betg persuls. Qua pudais tadlar l'entira intervista cun la Sexperta:
