25 onns concerts en la baselgia da Sent

Suenter 25 onns sco organisatura da concerts en la baselgia da Sent ha dunna Leta Mosca ditg adia!

L'orchester le phénix cun la pianista Alena Cherny a Sent
Legenda da maletgs: Alena Cherny e l'orchester le phénix a Sent RTR

Avant 25 onns ha Leta Mosca surpiglià da la Società d'Ütil public Sent l'organisaziun dals concerts là en la baselgia da San Lurench. Ils 4 da schaner 2020 è questa èra ida a fin. Suenter avair organisà 750 fin 800 concerts ha Leta Mosca surdà quest'incarica a Regula Ursprung.

Il concert da giubileum «25 onns concerts illa baselgia da Sent» è era stà il concert da cumià da dunna Leta. Alena Cherny e l'orchester le phénix cun la maistra da concert Maria Korndörfer han interpretà 4 dals 7 concerts per clavazin ed orchester da Johann Sebastian Bach. RTR è stà là cun ses microfons. L'Artg musical porta parts da quest concert da festa. 

redacziun: Giusep G. Decurtins

TITELINTERPRETCUMPONIST
Keyboard concerto Nr. 3, D-Dur BWV 1054Alena Cherny & orchester le phénixJohann Sebastian Bach
Keyboard concerto Nr. 4, A-Dur BWV 1055Alena Cherny & orchester le phénixJohann Sebastian Bach
Keyboard concerto Nr. 7, g-Moll BWV 1058Alena Cherny & orchester le phénixJohann Sebastian Bach
Keyboard concerto Nr. 1 BWV 1052 - I. AllegroAlena Cherny & orchester le phénixJohann Sebastian Bach
Keyboard concerto Nr. 1 BWV 1052 - III. AllegroAlena Cherny & orchester le phénixJohann Sebastian Bach