L'entschatta 1984 ha RTR surpiglià la producziun da chant e musica che vegniva fatga fin là dal studio da radio DRS Turitg. Il medem mument ha il Radio Rumantsch schlargià ses program da 40 minutas al di sin 6 uras ed uschia stgaffì novas emissiuns. Ina - l'Artg musical!
Producziun da musica ed Artg musical èn schumellins. Durant il 2019 èn plirs Artgs deditgads a quest giubileum e laschan reviver «bels muments» da questa lavur. La terza part tracta ils onns 1996-2001. Nus udin ils chors: Lantsch, Vella, Andiast, Surrein, Castrisch & Falera, Laax, Trin, Chor rumantsch Scola chantunala Cuira, Las Lodolas San Murezzan ed il Chor facultativ scola secundara Vella. E lura las musicas: Müstair, Ramosch, Breil, Danis-Tavanasa & Rueun, Sagogn e Spiel Geb Inf Reg 36 ed il duo Mario Camartin & Leo Simonet.
