Alexi e Marcus – L’ALVA

LALVA numnan Alexi e Marcus lur 5avel disc cumpact cun sias 15 istorgias pachetadas en chant e musica.

Alexi e Marcus ed il DC L'ALVA
Legenda da maletgs: L'ALVA - il 5avel album d'Alexi e Marcus RTR

Tematicamein mainan questas 15 chanzuns nus siadora en las muntognas, en temps passads, mo era viaden en il profund da noss intern. Plaschair e tristezza, amur e gritta, melanconia e protest stattan datiers in da lauter. Ed adina e surtut dominescha la speranza! Forsa pon questas chanzuns leventar tscha e là in surrir, dar mintgatant da pensar, mo ellas vulan surtur far plaschair ed ir a cor. Musicalmein schlargian Alexi e Marcus sin quest album lur spectrum cun collavurar cun 14 musicistAs rumantschAs. Differents instruments portan uschè novas colurs viaden en las chanzuns – mo adina restan las duas vuschs en il center. LALVA – in album chè vegnì producì en collavuraziun cun RTR. (rep. Artg dals 24-05-2020).

Redacziun: Giusep G. Decurtins