Artg musical a Bravuogn

RTR – Artg musical e SRF MW – Zoogä-n-am-Boogä a Bravuogn.

Nina Mayer e Sidonia Caviezel dal duo Mi'amia durant la producziun.
Legenda da maletgs: Il duo Mi'amia: Nina Mayer e Sidonia Caviezel. SRF

Beat Tschümperlin da SRF MW e Hugo Schär da RTR èn ils moderaturs da l'emissiun communabla che vegn emessa venderdi-saira, ils 6 d'october 2017 (20:03-22:00) directamain da Bravuogn. Là en il restaurant Weisses Kreuz sunan e chantan sis furmaziuns: Ils Fränzlis da Tschlin, Trio Briné (jodladers cun Hany Küttel Cuira), Mi'amia (Nina Mayer e Sidonia Caviezel Ramosch/Martina), Trio Aeschbacher-Greub-Geiser (Bützberg) ed ils indigens Bergüner Ländlerfründa. L'Artg musical porta parts da quest inscunter musical interregiunal.

Impressiuns da l'emissiun directa da Bravuogn

Redacziun: Giusep G. Decurtins