L'uniun «La Chanzun Rumantscha» fundada l'atun 2016 vul stgaffir ina scuntrada interrumantscha. Quella duai promover la musica rumantscha en general, ed en spezial la chanzun da chor. Quest festival ha lieu mez mars 2019 a Trun.
Dumengia passada ils 25 da november 2018 ha l'Artg musical discurrì a Trun en sala da cultura cun il president da l'uniun, Clau Scherrer. Enramà vegn quest discurs da chant e musica dal Chor d'affons Sumvitg (dir. Flavia Walder), Judith e Clau Scherrer (chant da solo e clavazin) e dal chantautur «Tumasch è» (Thomas Cathomen).
