Chor Sevgein: Passiun e levada da Jesus Cristus

Chor maschadà Sevegin avant la halla da gimnastica a Sevgein.
Legenda da maletgs: Chor maschadà Sevegin. MAD

L'Artg musical spezial per Venderdi sontg avant mezdi porta chant e musica dal patir e murir da Jesus Cristus. Nus udin «Passiun e levada da Jesus Cristus», in'ovra da Carli Scherrer e sur Gion Martin Pelican. Il Chor maschadà da Sevgein preschenta ella ensemen cun instrumentalists e la pledadra Rita Candinas. Flavia Walder dirigia. Ina nova registraziun da RTR fatga ils 21-03-2015 en baselgia da Sevgein. Lura sco segund'ovra preschentan il Chor viril Lumnezia e la Ligia Grischa il «Requiem en d-moll» da Luigi Cherubini. Clau Scherrer dirigia. Registraziun da RTR dals 24-04-2010 a Turitg en la Tonhalle.
Redacziun: Giusep G. Decurtins

Autur/a: RTR/td