Ses quart concert ha Rainer Held, il dirigent dal Chor viril Surses, tschentà sut il motto: «L'amour - Die Liebe». Ils 13 d'avrigl 2019 han el e ses 60 chantadurs concertà a Riom. Cooperà ha il quartet vocal da Turitg cun il num Dezibelles. Dapi 2009 chantan Nicole Hitz, Rebekka Bräm, Daniela Villiger ed Editha Lambert ensemen ed ellas han già gudagnà divers premis a concurrenzas da chant a capella. Dapi 2018 è Andrea Fischer la manadra ed ella segna era per ils arranschaments musicals. RTR ha registrà il concert. L'Artg musical porta parts londerora.
redacziun: Giusep G. Decurtins