Da quai da 800 concerts ha ella organisà a Sent, 52 onns ha ella sunà l'orgla da la baselgia da San Lurench ed ella suna anc oz – dunna Leta Mosca-Gaudenz. Venderdi passà, ils 12 da fanadur ha ella festivà ses 80avel anniversari. L'Artg musical gratulescha a dunna Leta cun emetter parts da concerts ch'ella ha organisà, e che RTR ha registrà a Sent en la baselgia da San Lurench.
Las interpretas, ils interprets: Flurina Sarott & Lech Uszynski e l'Orchestrina Chur cun musica da Mozart; Sara-Bigna Janett, Muriel Schwarz e l'orchester da chombra da Tübingen cun chanzuns da Robert Cantieni, Akio Ogawa (trumbetta) e l'orchester da Tübingen cun musica da Tomaso Albinoni, Rudolf Lutz e Domenic Janett cun improvisaziuns ed ils scolars da Sent cun la chanzun «L'aual» da Warren Thew/Chasper Sarott.