Duri Sialm mort avant 50 onns e chant d'Advent

4 chandailas glischan
Legenda da maletgs: Musica e chant per la 4. dumengia d'Advent MAD

Duri Sialm, il grond um da la musica indigena, pianist, organist, magister, dirigent e cumponist è mort, ils 18 da december, avant 50 onns. Nus tadlain chanzuns dad el dadas dal Chor da concert grischun, dal Chor viril Falera e dal Chor viril Lumnezia.

En Galilea a Nazaret, Dad ena frastga nescha: Chors rumantschs dechantan il temp d'Advent e Cla Biert raquinta las duas istorgias «Il Nadal dal matet» ed «Il Nadal dal bavader». Nus udin l'ensemble deCanto, Basler Madrigalisten, il Cor baselgia Müstair ed il Chor dils Larischs.

Redacziun: Giusep G. Decurtins