Gion Balzer Casanova – per ses 80avel

Ils 16 d'avust avant 80 onns è Gion Balzer Casanova naschì a Rueun.

Gion Balzer Casanova (*1938)
Legenda da maletgs: Gion Balzer Casanova, chantadur, dirigent e cumponist MAD

Gion Balzer Casanova ha – suenter il seminari a Cuira – dà 40 onns scola a Laax. Là ha el dirigì 20 onns il chor viril, chantà en il chor maschadà e sunà passa 40 onns l'orgla. E Gion Balzer ha cumponì. L'emprim chanzuns per la scola, lura per ils chors dal vitg. E sias chanzuns han chattà la via sur vitg e val.

Oz vegnan ellas chantadas en l'entira Svizra. Avant 10 onns, per ses 70avel, ha l'Artg discurrì cun il giubilar davart il chant en scola ed en noss vitgs, davart il cumponer e davart la qualitad da sias chanzuns. L'Artg musical dad oz repeta quest discurs e gratulescha al maister da «La sera sper il lag».

Ils titels en l'emissiun

TITELCUMPONISTINTERPRET
StadGion Antoni Derungs / Alfons VinzensChor d'affons Laax
La providientschaGion Balzer Casanova / Alfons TuorChor d'affons Laax
La sera sper il lagGion Balzer Casanova / Fl. CamathiasPh. Gschwend & Rin. Camathias
Bab nosGion Balzer Casanova / liturgicChor viril Laax
La sera sper il lagGion Balzer Casanova / Fl. CamathiasChor mischedau Laax
Contas gadasGion Balzer Casanova / Gion DeplazesChor viril Laax
SperonzaGion Balzer Casanova / Rita KilliasChor mischedau Laax + Chor Surselva
Capriccio per Gion BalzerVictoria PolevaGion A. Casanova + Kammerphil. GR
MisteriGion Balzer Casanova / Gion DeplazesChor mischedau Laax + Chor Surselva
La sera sper il lagGion Balzer Casanova arr: Thomas RüediChor misch. Laax, Chor Surselva + CMS

Redacziun: Giusep G. Decurtins