Gion Jäger – ina gronda vusch è tschessada per adina

Ils 13 da matg è Gion Jäger mort a Savognin en la vegliadetgna da 68 onns.

Il chantadur d'operas Gion Jäger (1996)
Legenda da maletgs: Gion Jäger - il bariton da Savognin (1996) MAD

«La voce di Gion è come una Ferrari» Maestro Nicolas Giusti da Roma ha ditg quai 1995 suenter lavur intensiva cun Gion Jäger. Il resultat da questa lavur: in dc intitulà «Jäger canta Verdi».

Gion chantadur – pir cun 30 onns è el sa decidì da far il pass en il mund dal chant d'opras. Studis autodidacts e lavur intensiva tar Rina del Monaco, Carlo Bergonzi, Pavel Chaloupka e Nicolas Giusti han furmà el ad in bariton dramatic ideal per l'opera taliana. Gronds success ha el gì ils onns 1994-1996 a l'Opera da Dijon (Nabucco, La Traviata, I Puritani, Il Trovatore e Macbeth).

Ils ultims onns ha Gion chantà be sporadicamain en circuls pli stretgs. Ina da las grondas, voluminusas vuschs rumantschas n'è betg pli! L'Artg musical sa regorda da Gion chantadur cun emetter parts d'in concert ed in profil dal 1994.

Ils titels en l'emissiun

TITELINTERPRETCUMPONIST
Non t' amo piùTosti, F. P. Gion Jäger & Pavel Chaloupka
Di Provenza il mar, il suol..Verdi, Giuseppe Gion Jäger & Pavel Chaloupka
Santa Luciatradiziunal / arr: Cottran, T. Gion Jäger & Pavel Chaloupka
Tutto è deserto... Il balen...Verdi, Giuseppe Gion Jäger & Pavel Chaloupka
Musica PreibitaGastaldon, Stanislao Gion Jäger & Pavel Chaloupka
Alzati! Eri tu che macchiaviVerdi, Giuseppe Gion Jäger & Pavel Chaloupka
MattinataLeoncavallo, R. Gion Jäger & Pavel Chaloupka
Perfidi!.... Pietà, rispetto…Verdi, Giuseppe Gion Jäger & Pavel Chaloupka

Redacziun: Giusep G. Decurtins