Uras ed uras sesa ella sin il banc da l'orgla, exercitescha u embellescha ils cults divins. Là, sin quest banc da l'orgla, sun jau sesì cun ella ils 18 d'avrigl e nus avain discurrì da la vita e dal pensum d'ina organista en in vitg. Lura era da la segunda gronda passiun da dunna Leta, l'organisaziun da passa 40 concerts, onn per onn. E dunna Leta ha sunà per nus da l'Artg: Brahms, Rheinberger, Mendelssohn, Reger e Bach. Ed ella ha accumpagnà a l'orgla sia parenta Flurina Sarott, la grondiusa violinista da Scuol.
Redacziun: Giusep G. Decurtins
