Ligia Grischa e Pro Arte a Bern – in concert

Chants russ-ortodoxs e chanzuns rumantschas en il Münster da Berna.

Christoph Cajöri e ses chors Ligia Grischa e Pro Arte
Legenda da maletgs: Ligia Grischa e Pro Arte a Berna el Münster RTR

«Chants russ-ortodoxs e chanzuns rumantschas» - sut quest titel ha Christoph Cajöri tschentà ses 7avel concert cun la Ligia Grischa. Ed el dirigia era in chor en la citad da Berna, il chor da concert Pro Arte. 70 chantadurs da la Surselva e 70 chantaduras e chantadurs da Berna e conturn reunids en il Münster da Berna - in maletg impressiunant.

RTR ha registrà quel concert dals 26 da matg 2019. Chants da Pjotr Illitsch Tschaikovsky, Pavel Tschesnokov, Dmitri Bortniansky e Sergej Rachmaninov stattan sper chanzuns rumantschas da Tumasch e Benedetg Dolf. L'Artg musical porta il concert.

Redacziun: Giusep G. Decurtins