Meiringen 2015 – la festa svizra da chant (2. part)

Logo da la festa svizra da chant 2015 a Meiringen.
Legenda da maletgs: Logo da la festa svizra da chant 2015 a Meiringen. MAD

Dals 12-21 da zercladur vegn Meiringen/Oberland Bernais ad esser la vitrina dal chant svizzer. 415 chors cun 12'000 chantaduras e chantadurs vegnan ad interpretar passa 1000 chanzuns da patg. I dat 18 concerts da festa, ateliers e chant en il liber. 20 chors grischuns van a Meiringen. 12 èn rumantschs. Sonda saira, ils 13-06 envida RTR ad in grond concert rumantsch cun ils trais chors virils da vallada: Ligia Grischa, Lumnezia e Surses. L'Artg musical porta impressiuns da quest event unic cun 200 chantadurs, trais dirigents (Ch. Cajöri, C. Scherrer, L. Hassler) e la moderatura Sandra Carisch.
Redacziun: Giusep G. Decurtins

Autur/a: RTR/dh