Il november 2017 ha Mario Pacchioli preschentà REMAS – in disc cumpact cun poesias sursilvanas dal 19, 20 e 21avel tschientaner messas dad el sez en musica.
Il matg 2018 è REMAS, quest poem sinfonic, vegnì dà a moda concertanta a Friburg ed a Cuira. RTR ha registrà il concert dals 25 da matg a Friburg en la Salle Equilibre. L'Artg musical porta la segunda part da quest concert ch'è stà in bel mument rumantsch amez la citad da Friburg.
Ils interprets: Mario Pacchioli, chant e moderaziun; Gieri Maissen, clavazin; La Chanson de Fribourg e la Filharmonia da chombra dal Grischun. Dirigent: Jérôme Kuhn.